Sekogaš te ova verna

1. E Devleske služinaja

verno, iskreno ko sa.

Hem vilestar but mangaja

adava te sikava.

Lestar sovet ked šunaja

bahtale amen siem.

Ov plo lafi keda dela

verno ka ispolninel.

2. Seked verna e phralenge

spremna te pomožina.

Hem ko lafi hem ko delo

sikavaja mangipa.

Sikavaja vernost keda

e phralen ka cenina.

Vas ka da len, ka manga len,

paše lencar ka ova.

3. O phralja so vodstvo dena,

verna lenge te ova.

Keda sovet ola dena,

verno lende te šuna.

Bereketi o Jehova

tegani ka del amen.

Keda verno služinaja

ov amencar ka ovel.