Sikav sočuvstvo

So kergja o Isus?

VIDEOKLIPI: E Isuseske pelo žal bašo manuša

1. Dikh o VIDEOKLIPI ili čitin Marko 6:30-34. Palo adava razmislin bašo akala pučiba:

1. a) Soske o Isus hem o apostolija gele ko „jekh than kote so nane nikoj“?

2. b) So pottikningja e Isuse te sikavel e manušen?

So sikljovaja taro Isus?

2. O sočuvstvo pottikninela amen te pomožina e manušenge, a na samo te vakera lenge o šukar haberi.

Dža palo e Isuseskoro primer

3. Šun šukar. Mukh e manuše te vakerel so mislinela. Ma čhinav le džikote kerela lafi hem le ko predvid sar osetinela pe, so sekirinela le ili soske prigovorinela. Adava so šukar ka šune le, ka sikavel kaj važno tuke so mislinela.

4. Razmislin bašo interesenti. Palo tumare razgovorija puč tut:

1. a) Soske valjani te doznajnel o čačipe?

2. b) Sar adava so ka proučinel i Biblija ka pomožinel leske akana hem ki idnina?

5. Vaker bukja so leske ka pomožinen. Kobor so šaj porano, sikav leske kaj o biblisko kursi ka odgovorinel ko leskere pučiba hem ka pomožinel le ko praktično način.