Sar osetinela pe o Devel keda isi amen muke?

Nesave manuša mislinena kaj o Devel na dikhela hem kaj nane leske gajle keda nekoj cidela muke.

RAZMISLIN BAŠO ADAVA SO PHENELA I BIBLIJA

• E Devleske nane sa jekh keda dikhela kaj isi amen muke

  „O Jehova dikhlja kaj o lošnipe e manušengoro ki phuv tano baro... hem dukhandilo le ko vilo“ (1. Mojseeva 6:5, 6).

• O Devel ka čhinavel sa o muke

  „Samo panda hari, o lošno nane te ovel više. Ka rode le ko leskoro than, a ov nane te ovel adathe. A o krotka ka nasledinen i phuv, hem ka uživinen ko baro mir“ (Psalm 37:10, 11).

• So mangela o Devel amenge

  „’Me but šukar džanava save tane mle namere tumencar‘, vakerela o Jehova, ’mangava te ovel tumen mir, a na nevolja, te dav tumen idnina hem nadež. Tumen ka vikinen man, ka aven ki mande hem ka molinen tumen mange, a me ka šunav tumen‘“ (Eremija 29:11, 12).

  „Oven paše e Devlea, hem ov ka ovel paše tumencar“ (Jakov 4:8).