Ma bistre te moline tut tle phralenge soj progonime

Ki Biblija tano prorečimo kaj o Satana ka progoninel amen te šaj te čhinava te služina e Jehovaske (Jvn 15:20; Ot 12:17). So šaj te kera e phralenge soj tane progonime? Šaj te molina amen lenge. „I sesrdno molitva e pravednikoskiri isi la bari sila hem šaj te kerel but šukaripe“ (Jk 5:16).

Bašo so šaj te molina amen? Šaj te molina amen e Jehovaske te del amare phralenge hem phenjenge hrabrost hem te pomožinel len te na daran (Isa 41:10-13). Isto agjaar, šaj te molina amen o vlastija te na keren amenge problemija ki amari služba te šaj te vodina jekh mirno životo (1Ti 2:1, 2).

Keda o Pavle hem o Petar sine progonime, o hristijanja ko prvo veko ko ple molitve spomninena sine lengere anava (De 12:5; Ri 15:30, 31). Čak ako na džanaja o anava e phralengere soj tane progonime, šaj te spomnina lengoro sobranie, phuv ili oblast?

Pišin ko kola phuvja o phralja tane progonime so mangea te moline tut lenge.