Sar te koristina i brošura Koj kerela e Jehovaskiri volja avdive?

I brošura Koj kerela e Jehovaskiri volja avdive?, sine kerdi te šaj te razgledinel pe e interesentea angleder ili ko krajo taro biblisko kursi.a Tari 1 dži ki 4 lekcija pomožinela e interesente te dikhel save tane e Jehovaskere svedokija, tari 5 dži ki 14 lekcija sikavela le bašo amare aktivnostija, hem taro 15 dži ki 28 lekcija sikavela le baši amari organizacija. Najšukar tano te proučinen o lekcie redoja, a ako isi potreba, tegani nesavi lekcija šaj te proučinel pe angleder. Adaleske so o lekcie tane tikne, bute interesentencar šaj te proučinel pe bašo 5 dži ko 10 minutija.

• 

  Dikh o pučiba soj tane naslov ki sekoja lekcija

• Čitinen zaedno i lekcija, celo ili ko pasusija

• Keren lafi bašo adava so čitingjen. Koristinen o slike hem o pučiba soj tane tele ki strana. Dikh save stihija valjani te čitinen pe hem te diskutirinen pe. Istaknin kaj o podnaslovija soj kale bukvencar tane odgovor bašo pučibe

• Ako isi ramka „Sikljov pobuter“, čitinen la zaedno hem ohrabrin e interesente te primeninel o sovetija soj tane dende adathe