Ko sa dža palo e Isuseskoro primer

O Isus dengja amen primer te dža pali leste, posebno keda isi amen problemija ili siem progonime (1Pe 2:21-23). Iako vredžinena le sine, ov nikogaš na iranela lenge sine, čak keda cidingja bare muke (Mr 15:29-32). So pomožingja leske te istrajnel? Ov sine rešimo te kerel e Jehovaskiri volja (Jvn 6:38). Isto agjaar dikhela sine i nagrada so sine angli leste (Ev 12:2).

Sar reagirinaja keda siem maltretirime baši amari vera? O čačutne hristijanja na iranena nikaske lošnipaja (Ri 12:14, 17). Ako postapinaja sar o Isus keda siem ko phare situacie, tegani šaj te ova bahtale soske o Devel ka ovel zadovolno amendar (Mt 5:10-12; 1Pe 4:12-14).

DIKH O VIDEOKLIPI E JEHOVASKORO ANAV TANO NAJVAŽNO, HEM PALO ADAVA ODGOVORINEN KO AKALA PUČIBA:

• Sar i phen Pecinger mudro koristingja plo vreme ki samica?

• Save progonstvija sine e phrale hem e phenja Pecinger džikote sine ko različna koncentraciona logorija?

• So pomožingja len te istrajnen?