„Adava so na dikhaja le, adava istrajno adžikeraja le“

Kobor vreme adžikerea te avel e Devleskoro Carstvo? Dali strplivo istrajnea iako isi tut pharipa? (Ri 8:25). Nesave hristijanja tane mrzime, maltretirime, phanle, pa čak lengoro životo tano ki opasnost. Bute javeren isi len problemija sastipaja, phuripaja hem slično.

So ka pomožinel amenge te ova istrajna džikote nakhaja ko nesavo pharo periodi? Mora te kera pozorali amari vera agjaar so sekova dive ka čitina i Biblija hem hor ka razmislina bašo adava so čitingjem. Mora te razmislina baši amari nadež (2Ko 4:16-18; Ev 12:2). Isto agjaar, mora taro vilo te molina e Jehova te del amenge plo mokjno sveti duh (Lk 11:10, 13; Ev 5:7). Amaro manglo Dad ka pomožinel amenge te ova istrajna hem bahtale (Kol 1:11).

DIKH O VIDEOKLIPI VALJANI „ISTRAJNO TE PRASTA“ — OV UVERIMO KAJ KA DOBINE I NAGRADA, HEM PALO ADAVA ODGOVORIN KO AKALA PUČIBA:

• 

  Save nepredvidena nastanija šaj te arakhen amen ko životo? (Pro 9:11)

• 

  Sar pomožinela amenge i molitva keda siem ko nevolje?

• 

  Ako ki služba e Jehovaske našti više te kera sar so keraja sine angleder, soske tano važno te koncentririna amen ko adava so akana šaj te kera?

• 

  So pomožinela tuke te ačhove uverimo kaj ka dobine i nagrada?