TE ŽIVINA SAR HRISTIJANJA
O Jehova ka pomožinel amen ko phare situacie
Ko akala posledna dive, isi amen but nevolje. Ponekogaš šaj osetinaja kaj našti više te izdržina. Ama, ako ponadari da siem paše e Jehovaja, ov ka pomožinel amen te istrajna čak ko najphare situacie (Isa 43:2, 4). Sar šaj te ova paše e Jehovaja keda doživinaja phare situacie?
Molitva. Keda phravaja amaro vilo e Jehovaske, ov dela amen andruno mir hem sila te istrajna (Fp 4:6, 7; 1So 5:17).
Sostanokija. Poviše taro bilo keda, valjani amenge o sovetija tari Biblija hem o društvo taro amare phralja hem phenja so dela amen o Jehova preku amare sostanokija (Ev 10:24, 25). Keda spreminaja amen bašo sostanokija, siem prisutna hem učestvujnaja ki lende, tegani isi amen celosno korist tari pomoš so dela amen o Jehova preku plo sveti duh (Ot 2:29).
Služba. Ka ovel amenge polokho te koncentririna amen ko pozitivna bukja ako keraja sa so šaj te ačhova zafatime ki služba. Agjaar ka ova popaše amala e Jehovaja hem amare phralencar hem phenjencar (1Ko 3:5-10).
DIKH O KLIPI O JEHOVA KA OVEL PAŠE UZI TUTE, A PALO ADAVA ODGOVORIN KO AKALA PUČIBA:
So pomožingja e phenjake Malu te ovel paše e Jehovaja džikote nakhela sine taro phare situacie?
Slično sar e phenja, sar šaj o stiho taro Psalm 34:18 te utešinel amen keda isi amen nevolje?
Sar o iskustvo e phenjakoro sikavela amenge kaj o Jehova dela amen sila „koja so nakhavela i normalno“ keda isi amen nevolje? (2Ko 4:7).