TE ŽIVINA SAR HRISTIJANJA

I Phuv „gltingja i reka“

Ko različna periodija tari istorija sine situacie keda o svetovna vlastija pomožingje e Jehovaskere narodo (Ezr 6:1-12; Es 8:10-13). Čak ko amaro vreme, šaj te dikha sar „i phuv“ — nesave porazumna manuša taro različna phuvja soj ki vlast — gltinela „i reka“ taro protivibe kova soj pottiknimo taro „ažderi“, o Satana o Beng (Ot 12:16). O Jehova, o Devel kova „so spasinela“, ponekogaš pottikninela e manušen so vladinena te keren nešto ki korist leskere narodoske (Ps 68:20; Iz 21:1).

A so ako tu sian ko zatvor baši tli vera? Nikogaš ma bistre kaj o Jehova nikogaš nane te mukhel tut (1Mo 39:21-23; Ps 105:17-20). Ov sigurno kaj ov ka nagradinel tli vera hem kaj o phralja hem o phenja ko celo sveto tane ohrabrime so sian verno (Fp 1:12-14; Ot 2:10).

DIKH O VIDEOKLIPI O PHRALJA TARI JUŽNO KOREJA TANE MUKHLE TARO ZATVOR, A PALO ADAVA ODGOVORIN KO AKALA PUČIBA:

Soske sa akala berša but phralja ki Južno Koreja sine phanle?
Kola sudska presude pomožingje nesave phralja te oven porano oslobodime?
Sar šaj te pomožina sa amare phralenge kola soj tane momentalno ko zatvor baši pumari vera?
Sar valjani te koristina i sloboda so isi amen akana?
Koj najviše zaslužinela i falba bašo amare pravna pobede?

O zatvor ki Južno Koreja koleste sine phanle e Jehovaskere svedokija; o pismija e Jehovaskere svedokongere kola so sine bičhalde dži ki podružnica ki Južno Koreja, a palo adava sine bičhalde e phralenge so sine phanle; dad hem čhavo palem tane zaedno hem gušinena pe — Sar koristinava mli sloboda so isi man?