Sar te koristinen pe o predlogija bašo razgovor

Taro januari 2018 berš, ki prvo strana taro Amaro životo hem služba — listija spremibaske isi predlogija bašo razgovor. Sar šaj te koristina len?

Keda isi tut zadača: Valjani te koristine o pučibe, o stiho hem o pučibe baši poseta kola soj ko predlogija bašo razgovor. Sepak, akava na značinela kaj valjani te koristine o ista lafija taro klipi soj povrzimo e predlogoja bašo razgovor. Šaj te koristine javer situacija, javer uvod hem te obrabotine ko pojaver način i tema. Šaj te nudine nesavi taro amare glavna publikacie službake, čak ako adava nane dendo ko upatstvija baši adaja zadača.

Keda sian ki služba: O predlogija bašo razgovor tane kerde te šaj te den amen idee. Ako nekoj sikavela iskreno interes hem mangela te džanel poviše, šaj te prodolžine o razgovor agjaar so ka koristine o misle taro predlog baši povtorno poseta. Šaj te menine o predlog bašo razgovor ili te koristine nešto javer. Dali i tema taro masek so nakhlja ili nesavo javer stiho odgovorinela poviše ko tlo podračje? Dali e manušen poviše interesinela nešto so slučingja pe ko than kote so živinena? Bizi razlika sar ka odlučine te koristine o predlogija bašo razgovor, valjani te ovel tut sar e Pavleskiri cel: „Sa kerava bašo šukar haberi, te šaj te propovedinav le e javerenge“ (1Ko 9:22, 23).