Sar te koristina o predlogija bašo razgovor

O phralja but trudinena pe te šaj te spreminen o predlogija bašo razgovor, hem bute objavitelenge pomožingje akala predlogija ki služba. Sepak, adaleske so o okolnostija ko sveto tane različna, o objavitelija ki služba šaj te prilagodinen i prezentacija agjaar so ka koristinen javer uvod ili javer tema so ka privlečinel e manušen ko lengoro podračje. Ama džangjola pe, sarine valjani te sledinen o upatstvija keda isi nesavi posebno akcija. Amari cel tani te ispolnina e Isuseskiri zapoved te propovedina o šukar haberi bašo Carstvo (Mt 24:14).

Keda isi len prikaz ko sostanok, o objavitelija valjani te keren lafi baši tema soj tani dendi ko predlogija bašo razgovor ko Amaro životo hem služba — listija spremibaske (na primer bašo juli hem avgust i tema tani e Devleskiri namera). Ama, ola šaj te koristinen javer pučibe, stiho, pučibe baši poseta, ili situacija koja so ka odgovorinel ko lengoro podračje, osven ako ko upatstvija pišinela kaj na valjani te meninel pe. Akalea meninena pe o upatstvija so sine dende ko Listija spremibaske taro juni 2020, ki 8 strana.