TE ŽIVINA SAR HRISTIJANJA
Amen sikavaja mangipe adalea so poddržinaja e Jehovaskoro ukor
O isklučibe tano zaštita e sobranieske hem ukor okoleske so bizo te kainel pe kerela grevija (1Ko 5:6, 11). Keda poddržinaja asavko ukor taro Jehova, sikavaja mangipe. Ama, sar šaj te ovel adava agjaar keda o isklučibe anela emocionalno dukh sarinenge, sar soj e familijake hem e phralenge taro pravno odbor?
Najviše taro sa sikavaja mangipe sprema o Jehova hem leskere merilija baši svetost (1Pe 1:14-16). Isto agjaar, sikavaja mangipe sprema okova soj tano isklučimo. O ukor anela dukh, ama adala so prifatinena le šaj te živinen pravedno hem te ovel len mir (Ev 12:5, 6, 11). Nane te poddržina e Jehovaskoro ukor ako družinaja amen nekasaja soj isklučimo ili nekasaja so korkori odvojngja pe tari organizacija. Te na bistra kaj o Jehova na kazninela poviše nego so valjani (Ere 30:11). Amen nadinaja amen kaj ola ka iranen pe ko amaro manglo Dad o Jehova. Sa džikote na ovela adava, amen ponadari da poddržinaja e Jehovaskoro ukor hem keraja sa so šaj te ačhova paše lea (Isa 1:16-18; 55:7).
DIKH O VIDEOKLIPI OV VERNO E JEHOVASKE CELO VILEA KOVA SO TEMELINELA PE KO ZAMISLIMO SCENARIO, A PALO ADAVA ODGOVORIN KO AKALA PUČIBA:
Savi dukh osetinena o roditelija keda lengere čhave mukhena e Jehova?
Sar šaj o sobranie te pomožinel e familijake?
Kova biblisko izveštaj sikavela kobor tano važno te ova verna e Jehovaske, namesto amare familijake?
Sar šaj te sikava kaj považno amenge te ova verna e Jehovaske, namesto amare familijake?