O ukor — izraz bašo e Jehovaskoro mangipe

O ukor obučinela amen hem sikavela amen, ama isto agjaar vklučinela hem kaznibe. O Jehova ukorinela amen te šaj te služina leske ko način soj leske prifatlivo (Ri 12:1; Ev 12:10, 11). Ponekogaš o ukor šaj te dukhal, ama šaj te pomožinel tut te živine pravedno hem anela tuke bereketija (Iz 10:7). So na valjani te bistren okola so dena hem okola so priminena ukor?

Okova so dela. O starešine, o roditelija hem sa o javera, trudinena pe te den ukor ko ljubezno način hem mangipaja, isto sar o Jehova (Ere 46:28). Čak jekh strogo ukor valjani te ovel dendo sprema o potrebe hem te ovel pottiknimo taro mangipe (Tit 1:13).

Okova so priminela. Bizi razlika ko savo način tano dendo o ukor, na valjani te otfrlina le, namesto adava valjani te trudina amen te primenina le odma (Iz 3:11, 12). Sar nesovršena manuša, sarinenge valjani ukor, hem adava šaj te dobina le ko različna načinija. Sar na primer, keda čitinaja i Biblija ili keda šunaja nešto ko amare sobraniska sostanokija. Ili ponekogaš nesavo ukor ka valjani amenge taro pravno odbor. Ako prifatinaja o ukor hem primeninaja adava, ka ovel amen but pošukar životo hem ka živina zasekogaš (Iz 10:17).

DIKH O VIDEOKLIPI „KAS MANGELA O JEHOVA, LE UKORINELA“, A PALO ADAVA ODGOVORIN KO AKALA PUČIBA:

• 

  Sar počmingja e Kanoneskoro životo hem sar meningja pe?

• 

  Savo ljubezno ukor dobingja taro Jehova?

• 

  So šaj te sikljova taro leskoro iskustvo?