Sikav mangipe ki familija

O mangipe tano o lepako kova so spojnela e familija. Bizo mangipe e familienge ka ovel pharo te ačhoven zaedno hem te sorabotinen jekh jekhea. Sar šaj o roma, o romnja hem o roditelija te sikaven mangipe ki familija?

Jekh ljubezno rom ka lel ko predvid ple romnjakere potrebe, o način sar dikhela ko bukja hem sar osetinela pe (Ef 5:28, 29). Ov ka grižinel pe bašo ple familijakere materijalna potrebe hem ka pomožinel lake te ovel popaše e Jehovaja. Isto agjaar, redovno ka ikerel i Familijarno rat (1Ti 5:8). Jekh ljubezno romni ka ovel podložno ple romeske hem ka sikavel leske „hor poštovanje“ (Ef 5:22, 33; 1Pe 3:1-6). O solduj valjani te oven spremna te prostinen jekh jekheske (Ef 4:32). O ljubezna roditelija sikavena lično interes sekole jekhe čhaveske hem sikavena len te mangen e Jehova (5Mo 6:6, 7; Ef 6:4). Save predizvikoncar soočinena pe lengere čhave ki škola? Dali isi len pritisok taro vrsnikija? Keda isi mangipe ki familija sarine ka osetinen pe sigurno.

DIKH O VIDEOKLIPI SEKOGAŠ SIKAV MANGIPE KI TLI FAMILIJA, A PALO ADAVA ODGOVORIN KO AKALA PUČIBA:

• 

  Sar jekh ljubezno rom sikavela kaj grižinela pe ple romnjake hem kaj ceninela la?

• 

  Sar jekh ljubezno romni sikavela kaj hor poštujnela ple rome?

• 

  Sar šaj o ljubezna roditelija te sadinen ko pumare čhavengoro vilo o pouke taro e Devleskoro Lafi?