Sa o iskušenija jekh dive ka nakhen

O iskušenija šaj lokheste te obeshrabrinen amen, posebno keda trajnena poviše vreme. O David džanlja kaj leskere iskušenija, kola so predizvikujnela len sine o cari o Saul, jekh dive ka avel lenge krajo hem kaj ov ka ovel cari sar so vetingja o Devel (1Sa 16:13). E Davideskiri vera pomožingja leske te ovel strplivo hem te adžikerel ko Jehova.

Keda isi amen iskušenija, šaj te koristina amari mudrost, adava so džanaja hem i sposobnost te razlikujna soj ispravno a soj pogrešno te šaj te promenina amari situacija (1Sa 21:12-14; Iz 1:4). Sepak, nesave pharipa ka ačhoven čak otkeda keraja sa so šaj ko sklad e bibliska načeloncar. Ko asavko slučaj valjani te sikava strplivost hem te adžikera ko Jehova. Panda hari ov ka čhinavel amare nevolje hem „ka kosel sekoja asvin“ taro amare jakhja (Ot 21:4). Bizi razlika dali oslobodinaja amen taro iskušenie adaleske so o Jehova kergja nešto ili tari nesavi javer pričina, jekh buti tani sigurno: Sa o iskušenija jekh dive ka nakhen. Akava fakti dela amen uteha.

DIKH O KLIPI OBEDINETO NARODO KO ODVOJMO SVETO, A PALO ADAVA ODGOVORIN KO AKALA PUČIBA:

• Save predizvikija sine nesave hristijanen ko južno delo taro SAD?

• Sar ola sikavgje strplivost hem mangipe?

• Sar ola koncentriringje pe ponadari da ko adava „soj tano najvažno“? (Fp 1:10)