Dali šukar koristinea i Biblija ko audioformati?

Soj tani i Biblija ko audioformati? Oj tani snimka taro revidirimo Prevod nov svet hem ikljola postepeno ko sa poviše čhibja. Jekh korisno buti tari Biblija ko audioformati tani kaj koristinela pe različna glasija baši sekoja biblisko ličnost. O teksti čitinela pe agjaar so ispravno naglasinena pe o lafija hem isi soodvetna čuvstvija te šaj točno te prenesinel pe i biblisko poraka.

Savi korist isi nesaven tari Biblija ko audioformati? But džene uživinena redovno te šunen i Biblija ko audioformati soske adava kerela te ovel lenge porealno e Devleskoro Lafi. Adava so šunena različna glasija baši sekoja biblisko ličnost pomožinela lenge pošukar te zamislinen peske o bibliska nastanija hem pošukar te haljoven adava soj tano pišimo (Iz 4:5). But džene keda osetinena pe voznemirime, šunena o snimke tari Biblija hem agjaar smirinena pe (Ps 94:19).

Keda čitinaja i Biblija ko glaso adava šaj but silno te vlijajnel ko amaro životo (2Le 34:19-21). Ako isi nesave delija ili celosno i Biblija ko audioformati ki nesavi čhib so haljovea la, dali šaj o šunibe tari Biblija te ovel tuke delo taro tle sekojdnevna duhovna aktivnostija?

DIKH O KLIPI SAR SNIMINGJA PE I BIBLIJA KO AUDIOFORMATI — IZVADOK, A PALO ADAVA ODGOVORIN KO AKAVA PUČIBE:

So svidžingja pe tuke najviše keda snimingja pe i Biblija ko audioformati?