Tu šaj te kere tli familija te ovel radosno

O Jehova mangela o familie te oven radosna (Ps 127:3-5; Pro 9:9; 11:9). Sepak, i radost šaj te našava la adaleske so isi amen pritisok taro akava sveto hem bašo greške so kerena nesave členija tari amari familija. So šaj sekova jekh te kerel te šaj i familija te ovel radosno?

O rom sikavela kaj poštujnela ple romnja (1Pe 3:7). Ov nakhavela laja vreme, isto agjaar, na očekujnela latar te kerel adava so našti hem sikavela lake kaj ceninela adava so kerela leske hem baši familija (Kol 3:15). Ov sikavela lake lafencar hem postapkencar kaj mangela la, hem falinela la (Iz 31:28, 31).

I romni rodela načinija te poddržinel ple rome (Iz 31:12). Oj tani podložno leske hem ­sorabotinela lea (Kol 3:18). Oj tani lea ­ljubezno hem vakerela šukar bukja lestar (Iz 31:26).

O roditelija nakhavena vreme pumare čhavencar (5Mo 6:6, 7). Ola vakerena ple čhavenge kaj mangena len (Mt 3:17). Keda valjani te vospitinen pumare čhaven, pa čak te kazninen len, o roditelija valjani te sikaven mangipe hem te oven razumna (Ef 6:4).

O čhave poštujnena pumare roditelen hem šunena len (Iz 23:22). Ola vakerena ple roditelenge so razmislinena hem sar osetinena pe. Ola prifatinena o sovetija ple roditelengere hem sikavena lenge poštovanje (Iz 19:20).

DIKH O VIDEOKLIPI KER TE OVEL BAHTALI TLI FAMILIJA, A PALO ADAVA ODGOVORIN KO AKAVA PUČIBE:

So kergja sekova jekh te šaj i familija te ovel radosno?