Arakh duhovna biserija so šaj te primenine len

Džikote čitinaja i Biblija, šaj te roda duhovna biserija agjaar so ka istražina. Ama, sar šaj te ovel amen pobari korist taro duhovna biserija so ka arakha len?

Vnimatelno dikh o detalija taro bibliska izveštaija. Na primer, istražin koj pišingja adava delo tari Biblija, kaske pišingja le hem keda. Save sine o okolnostija so ulo angleder adava hem so ulo palo adava?

Razmislin save pouke šaj te sikljove agjaar so ka istražine te šaj te dobine o odgovor bašo pučiba sar soj: „Sar osetingje pe o manuša kolenge so čitinea? Save osobine sikavgje? Soske me da valjani te sikavav asavke osobine, ili palem soske valjani te pazinav ma te oven man asavke osobine?“

Primenin adava so sikliljan ki služba ili ko način sar ponašinea tut e javerencar. Agjaar ka sikave kaj sian mudro baš sar so pišinela ki Biblija: „Okola soj mudra ka razmislinen bašo sa adava“ (Ps. 107:43).

• Predlog: Primetin sar o materijali taro sostanok Amaro životo hem služba ko delo Barvalipa taro e Devleskoro Lafi pomožinela amen te razmislina sar šaj te primenina adava so sikljovaja. Ko akava delo sekogaš isi pučiba kola so šaj te puča amen korkori, isi misle baši kola so šaj te razmislina hem slike kola so šaj te analizirina len.