Proučin te šaj te vakere nesavo biseri e javerenge

Keda proučinaja i Biblija, osetinaja amen osvežime. Ama, keda vakeraja e javerenge ohrabruvačka duhovna biserija so arakhlem len, osetinaja amen panda pošukar. Ko Izreki 11:25 akava tano simbolično opišimo akale lafencar: „Sekova manuš so spremno dela e javerenge te pien pani, leske da ka ovel dendo te piel pani“.

Keda vakeraja e javerenge adava so sikljovaja, adava pomožinela amen polokhe te pamtina o pouke hem panda pošukar te haljova len. Osven adava, adaleske so asavke biserija šaj te oven korisna e javerenge, radujnaja amen keda šaj te vakera len lenge (Apo. 20:35).

Predlog: Javer kurko, rode prilika te vakere e javerenge adava so sikliljan. Adava šaj te ovel nekoj tari familija, taro sobranie, kolega ki buti, součeniko, komšija ili nekoj so ka arakhe le ki služba. Probin te vakere tle lafencar, ednostavno hem jasno.

Ma bistre: Keda vakerea e javerenge adava so sikljovea, tli cel neka ovel te ohrabrine len, a na te vooduševine len (1. Kor. 8:1).