ONLAJN BIBLIOTEKA Watchtower
ONLAJN BIBLIOTEKA
Watchtower
romane (Makedonija)
  • BIBLIJA
  • PUBLIKACIE
  • SOSTANOKIJA
  • w17 Oktomvri str. 32
  • Dali džanljan?

Nane video bašo akava delo.

Žal amenge, isi greška, našti phravaja o video.

  • Dali džanljan?
  • Stražarsko kula objavinela e Jehovaskoro Carstvo (Bašo proučibe) 2017
  • Slično materijali
  • Pučiba taro čitatelija
    Stražarsko kula objavinela e Jehovaskoro Carstvo (Bašo proučibe) 2022
Stražarsko kula objavinela e Jehovaskoro Carstvo (Bašo proučibe) 2017
w17 Oktomvri str. 32

Dali džanljan?

Soske o Isus osudingja e Evreengiri navika te den zakletva?

Manuš dela zakletva ko hrami

E MOJSEJESKORO zakoni dozvolinela sine e manušenge te den nesave zakletve agjaar so ka vakeren „Dava sovli ko Devel“ ili „Dava sovli ko e Devleskoro anav“. Ama, ko vreme e Isuseskoro, o Evreija doborom puti dena sine zakletva so ulo lenge navika te den sovli bašo skoro sa so ka vakeren. Ola kerena sine adava te šaj o javera te verujnen ko lengere lafija. Ama, o Isus duj puti osudingja akaja navika. Ov vakergja: „Keda ka vakeren: ’Oja‘, adava neka značinel ’oja‘, a keda ka vakeren: ’Na‘, adava neka značinel ’na‘“ (Mat. 5:33-37; 23:16-22).

Ko jekh teološko rečniko pišinela kaj adava so ko Talmud tano detalno objasnimo kola zakletve mora sine te ikeren len, a kola šaj sine te na ikeren len, pomožinela amenge te dikha kobor često o Evreija dena sine zakletva te sikaven kaj adava so vakerena tano čače.

Na sine samo o Isus adava so osudingja akaja pogrešno navika. Na primer, o evrejsko istoričari Josif Flavij baši jekh evrejsko sekta vakergja: „Izbeginena te den sovli hem verujnena kaj o dejbe zakletva tano pološno taro hovajbe“. Ola mislinena sine kaj ako nekoj mora te del zakletva te šaj o javera te verujnen le, tegani ov hovavela sine. Ko evrejsko apokrifno lil Mudrost Sirahova (23:11) pišinela nešto slično: „O manuš so često dela sovli, pherdo tano bezzakonie“. O Isus vakergja kaj na valjani te da zakletva bašo bukja so nane važna. Ako sekogaš vakeraja o čačipe, na valjani te da sovli te šaj te sikava e javerenge kaj adava so vakeraja tano čače.

    Publikacie ko Romane (Makedonija) (2008 — 2025)
    Odlogirin tut
    Logirin tut
    • romane (Makedonija)
    • Spodelin
    • Mestin
    • Copyright © 2025 Watch Tower Bible and Tract Society of Pennsylvania
    • Uslovija koristibaske
    • Polisa baši privatnost
    • Opcie baši privatnost
    • JW.ORG
    • Logirin tut
    Spodelin