I Rusija napadingja e Ukraina

Iako o svetska vodačija mangle te na ovel vojna, rano sabajle ko 24 fevruari 2022, i Rusija počmingja jekh voeno invazija ki Ukraina. Sar bi šaj akava te vlijajnel ko sveto? Angleder nekobor dive, o Generalno sekretari taro Obedineta nacie, o Antonio Gutereš, vakergja: „Našti ni te zamislina amenge kobor muke hem uništuvanje ka anel akava konflikt, hem sar ov ka vlijajnel upri bezbednost ki Evropa hem ko celo sveto“.

So vakerela i Biblija bašo asavke nastanija?

• O Isus vakergja kaj ka avel vreme keda „ka uštel narodo protiv narodo, hem carstvo protiv carstvo“ (Matej 24:7). Čitin i statija „Od kade znaeme deka živeeme vo ’poslednite denovi‘?“ te šaj te dikhe sar i Biblija sikavela kaj o vojne avdive ispolninena o proroštvo so vakergja le o Isus.

• Ko biblisko lil Otkrovenie, o vojne tane pretstavime javačea so bešela ko „gras plameno bojaja“, hem adale javačeske tano dendo „te lel o mir tari phuv“ (Otkrovenie 6:4). Te šaj te džane sar akava proroštvo odnesinela pe bašo vojne avdive, čitin i statija „Što pretstavuvaat četirite javači?“.

• Ko biblisko lil Daniel tano vakerdo jekh proroštvo bašo jekh neprijatelstvo maškar „o severno cari“ hem „o južno cari“ (Daniel 11:25-45). Dikh o klipi Ispolnime proroštvija — Daniel 11 poglavje te šaj te džane soske šaj te vakerel pe kaj o severno cari tani i Rusija hem lakere sojuznikija.a

• Ko biblisko lil Otkrovenie isto agjaar pišinela baši „vojna so ka ovel ko baro dive e Semokjno Devleskoro“ (Otkrovenie 16:14, 16). Ama, akaja vojna nane te ovel maškar duj narodija, sar soj i vojna ki Ukraina. Ako mangea te džane poviše informacie baši akaja vojna kolake so pišinela ki Biblija, čitin i statija „Što e Armagedon?“.

Soske šaj te ova sigurna kaj adžikerela amen šuži idnina?

• I Biblija vakerela kaj o Devel ka čhinavel „o vojne ki celi phuv“ (Psalm 46:9). Ki statija „Što navistina ni nosi idninata?“ šaj te čitine poviše bašo adava savi idnina vetinela amenge o Devel.

• O Isus sikavgja ple sledbenikon te molinen pe te avel e Devleskoro Carstvo (Matej 6:9, 10). E Devleskoro Carstvo tani vlada ko nebo koja so ka ispolninel e Devleskiri namera baši phuv, a jekh taro bukja so mangela o Devel tano te ovel mir ko celo sveto. Dikh o videoklipi Soj e Devleskoro Carstvo? te šaj te doznajne so ka kerel e Devleskoro Carstvo hem sar adava šaj te vlijajnel upri tute.

Ki Ukraina živinena poviše taro 129.000 Jehovaskere svedokija. Isto sar ki sekoja javer phuv, o Svedokija adari džana palo primer e Isuseskoro adalea so ačhovena neutralna hem na učestvujnena ki vojna (Jovan 18:36). Ko celo sveto, e Jehovaskere svedokija vakerena kaj e Devleskoro Carstvo ka rešinel sa o problemija, maškar kola soj hem o vojne. Pottikninaja tut te kontaktirine amen te šaj te doznajne poviše bašo akava „šukar haberi bašo carstvo“ hem baši nadež so dela amen i Biblija (Matej 24:14).