O manuša našavena pli doverba ko političarija — So vakerela i Biblija?

Ko 2024 berš, ko celo sveto ka ovel najbaro broj politička izborija so nekogaš sine ko jekh berš. Sepak, but manuša nane len više doverba ko političarija.

• But amerikancija kola so sine pučle vakergje kaj „poviše političarija vodime tane taro sebična pričine“, nego taro adava te služinen e narodoskea (Pew Research Center, 19 septemvri 2023).

Isto agjaar, but terne nane len doverba ko političarija.

• „E tinejdžerenge but puti tano važno te anel pe rešenie bašo nesave problemija, ama keda pučle len, ola vakergje kaj o političarija na rešinena asavke problemija“ (The New York Times, 29 januari 2024).

• „Sprema jekh anketa, o terne poviše isi len doverba ko jutuberija nego ko političarija“ (The Korea Times, 22 januari 2024).

Šaj li te ovel amen doverba kaj o političarija ka anen pošukar idnina? Ki kaste šaj te ovel amen doverba?

Pazin kaste isi tut doverba

O manuša valjani te pazinen ki kaste isi len doverba. I Biblija vakerela kaj „o naivno manuš verujnela ko sekova lafi, a o pametno pazinela ko sekova plo čekori“ (Izreki 14:15).

• Te šaj te arakhe korisna predlogija bašo adava sar te džane kola informacie tane točna, a kola na, čitin i statija „Zaštiti se od dezinformacii“.

Osven adava, čak o političarija soj tane najčesna hem so isi len šukar namere našti te keren sa so bi mangena. Adaleske i Biblija predupredinela amen:

• „Ma te ovel tumen doverba ko mokjna manuša ili ko bilo savo javer manuš, kova so našti te spasinel tumen!“ (Psalm 146:3).

Vladeteli ki kaste šaj te ovel tut doverba

I Biblija vakerela kaj o Devel čhivgja vodači kova tano sposobno ko sa hem kaste šaj te ovel amen doverba: o Isus Hristos (Luka 1:32, 33). O Isus tano Cari ko e Devleskoro Carstvo, vlada koja so vladinela taro nebo (Matej 6:10).

• Doznajn soske šaj te ovel tut doverba ko Isus hem sar ov ka rešinel o problemija so isi amen. Čitin o statie „Koj tano o Cari ko e Devleskoro Carstvo?“ hem „So ka kerel e Devleskoro Carstvo?“