Kaste šaj te ovel tut doverba? — So vakerela i Biblija?

O manuša tane razočarime keda okola kaste so isi len doverba izneverinena len. But džene našavgje pumari doverba ko...

• politička vodačija kola so dikhena poviše pli korist nego te grižinen pe bašo e manušengere potrebe.

• mediumija kola so na vakerena točna haberija hem nane pravedna.

• naučnikija kola so na grižinena pe bašo e manušengoro šukaripe.

• verska vodačija kola so mešinena pe ki politika namesto te sikaven bašo Devel.

E manušen isi len šukar pričine bašo adava so nane len doverba ko but džene. I Biblija predupredinela:

• „Ma te ovel tumen doverba ko mokjna manuša, ili ko bilo savo javer manuš, kova so našti te spasinel tumen!“ (Psalm 146:3).

Kaste šaj te ovel tut doverba?

 I Biblija vakerela kaj isi nekoj kaste so šaj te ovel tut doverba: ko Isus Hristos. Ov na sine samo jekh šukar manuš kova so živingja but vekija angleder. O Devel čhivgja e Isuse te „vladinel sar Cari... hem leskere Carstvoske nane te avel krajo“ (Luka 1:32, 33). O Isus tano Cari ko e Devleskoro Carstvo, jekh vlada so akana vladinela taro nebo (Matej 6:10).

• Te šaj te dikhe soske šaj te ovel tut doverba ko Isus, čitin o statie „Koj tano o Cari ko e Devleskoro Carstvo?” hem „So ka kerel e Devleskoro Carstvo?“