O Isus ka čhivel krajo bašo vojne

Džikote sine ki phuv, o Isus sikavgja kobor but mangela e manušen, so čak sine spremno te žrtvujnel plo životo lenge (Matej 20:28; Jovan 15:13). Panda hari, palem ka sikavel plo mangipe agjaar so ka koristinel pli položba sar Cari ko e Devleskoro Carstvo te šaj te čhinavel „o vojne ki celi phuv“ (Psalm 46:9).

Dikh sar i Biblija objasninela adava so ka kerel o Isus:

• „Ka spasinel e čorole so rovela baši pomoš... hem sekas so nane le koj te pomožinel le. Ka perel leske žal e bedno manušeske hem e čoroleske, hem ka arakhel o životo e čorolengoro. Ka spasinel len taro maltretiribe hem nasilstvo“ (Psalm 72:12-14).

Sar šaj te sikava kaj ceninaja sa adava so kergja hem adava so ka kerel amenge o Isus ki idnina? Jekh način tano agjaar so ka sikljova poviše bašo „šukar haberi bašo e Devleskoro Carstvo“, bašo kova so propovedingja o Isus (Luka 4:43). Čitin i statija „Što e Božjeto Carstvo?“