Pobedin i osamenost e amalipaja — Sar šaj i Biblija te pomožinel?

Ko 2023 berš, o ekspertija bašo sastipe vakerena kaj i osamenost tani jekh but baro problemi hem valjani nešto te keren bašo adava. Dali isi nesavo rešenie baši osamenost?

• „Keda siem osamena hem cidaja amen taro javera manuša, adava šaj but te vlijajnel ko amaro sastipe hem srekja“, vakergja o Dr. Vivek Murti, ministeri bašo zdravsto ko SAD. Ama isto agjaar vakergja: „Amen šaj te kera nešto bašo adava“. So šaj te kerel pe? „Šaj pohari sekova dive te bajrara amaro amalipe“.a

Na osetinaja amen osamena samo ako odvojnaja amen taro manuša. Nekoj šaj te osetinel pe osameno čak keda tano maškar but džene. Bizi razlika soske osetinaja amen osameno, i Biblija šaj te pomožinel. Ki late isi praktična sovetija bašo adava sar te bajrara amare amalipa, a adava ka pomožinel amenge te osetina amen pohari osamena.

Bibliska načelija so šaj te pomožinen amen

Sikljov šukar te komunicirine. Adava na značinela samo te vakera sar amen osetinaja amen, nego šukar te šuna keda o javera vakerena sar osetinena pe. Kobor poviše sikavea interes e javerenge, doborom poviše ka ovel zoralo tlo amalipe lencar.

• Biblisko načelo: „Ma dikhen samo tumenge te ovel šukar, nego isto agjaar e javerenge da“ (Filipjanja 2:4).

Neka oven tut različna amala. Ov spremno te ove amal e pophurencar ili poternencar hem nekasaja soj tari javer kultura ili nacija.

• Biblisko načelo: „Širinen tumare vile“ (2. Korinkjanja 6:13).

Bašo poviše informacie sar te ove popaše amal e javerencar, čitin i statija „Kako da ja zadovolime potrebata od prijateli.“