Sar šaj te ove srekjno ko akala phare vremija — So vakerela i Biblija?

Ko akala phare vremija, nane amen kontrola upro but bukja so slučinena pe amenge. Ama amari srekja but puti poviše zavisinela taro amaro stavi, nego taro amare okolnostija. I Biblija vakerela kaj iako isi le problemija, „okova soj tano radosno, sekova dive tano ko hajbe-pijbe“ (Izreki 15:15). So te kera te šaj te ova posrekjna? Dikh sar šaj o sovetija tari Biblija te pomožinen tuke.

Ikljov ko krajo e sekiraciencar

I Biblija vakerela: „O sekiracie anena pharipe e manušeske ko vilo, a o šukar lafi kerela le radosno“ (Izreki 12:25).

• I Biblija šaj te pomožinel tuke keda sian preterano sekirimo. Te šaj te doznajne sar, čitin i statija „Što veli Biblijata za zagriženosta“.

Pobedin i osamenost

I Biblija vakerela: „O čačutno amal sikavela mangipe ko sekova vreme hem phral ovela ko phare dive“ (Izreki 17:17).

• Ki Biblija isi sovetija so ka pomožinen tuke te oven tut paše amala kola so šaj te keren te na osetinen tut osameno. Čitin i statija „Pobedin i osamenost e amalipaja — Sar šaj i Biblija te pomožinel?“.

Bajrar tlo mangipe sprema o Devel hem tle pašutne

I Biblija vakerela: „Mang e Jehova, tle Devle, sa tle vilea, sa tle dušaja hem sa tle gogjaja... Mang tle pašutne sar korkori tut“a (Matej 22:37-39).

• I molitva šaj te pomožinel amenge te bajrara amaro mangipe sprema o Devel. Te šaj te doznajne poviše čitin i statija „Dali Bog gi sluša našite molitvi?“

• Sikavaja mangipe e javerenge keda šunaja e Isuseskoro sovet kova soj pendžardo sar Zlatno pravilo. Te šaj te doznajne poviše čitin i statija „Šta je zlatno pravilo?“

Mangea li te doznajne nešto poviše bašo adava sar i Biblija šaj te pomožinel tuke te ove srekjno ko akala phare vremija? Probin o besplatno interaktivno biblisko kursi.