Iker o jekhipe ko sobranie

Keda siem zaedno amare phralencar hem phenjencar osetinaja amen sar o cari o David kova so vakergja: „Kobor tano šukar hem prijatno keda o phralja živinena zaedno ko jekhipe!“ (Psalm 133:1). Adava jekhipe so isi maškar amende na ulo slučajno. Sarine amen isi amen odgovornost te ikera o jekhipe ko sobranie.

1. Soj tano posebno ko e Devleskoro narodo?

Ako džaja ko sostanokija ki jekh javer phuv, šaj na haljovea i čhib, ama sepak osetinea tut sar te phene khere sian. Soske? Adaleske so koristinaja o ista publikacie ko celo sveto keda proučinaja i Biblija hem adaleske so sikavaja mangipe jekh jekheske. Bizi razlika kote živinaja, sarine služinaja e Jehovaske složno hem ko jekhipe (Sofonija 3:9).

2. So šaj te kere tu, te šaj te ovel jekhipe ko e Devleskoro narodo?

„Mangen tumen jekh jekhea silno taro vilo“ (1. Petrovo 1:22). Sar šaj te primenine akava sovet? Namesto te koncentririne tut ko e javerengere slabostija, trudin tut te dikhe lengere šukar osobine. Ma družin tut samo okolencar kola soj tane sar tute hem kola so mangena o bukja so tu da mangea len. Trudin tut isto agjaar te zapoznajne e phralen hem e phenjen soj tane pojaver tutar. Ako primetinea kaj isi tut nesave predrasude, ker sa so šaj te otfrline adala čuvstvija. (Čitin 1. Petrovo 2:17.)a

3. So ka kere ako pojavinela pe nesavo problemi jekhe phralea ili phenjaja?

Adava so siem ko jekhipe na značinela kaj siem sovršena. Ponekogaš šaj ka razočarina ili ka dukhava jekh jekhe. Adaleske, e Devleskoro Lafi pottikninela amen: „Trpinen tumen jekh jekhea hem... prostinen tumenge. Sar o Jehova spremno so prostingja tumenge, agjaar keren tumen da.“ (Čitin Kološanite 3:13.) Amen povredingjem e Jehova but puti, ama sepak ov prostingja amenge. Adaleske, ov očekujnela amen da te prostina amare phralenge. Ako povredingjan nekas, ker tu o prvo čekori te rešinel pe o problemi. (Čitin Matej 5:23, 24.)b

DOZNAJN POVIŠE

4. Otfrlin o predrasude

Amen mangaja te sikava mangipe sa amare phralenge. Ama, adava šaj te ovel pharo keda nekoj tano pojaver amendar. So šaj te pomožinel amenge te sikava mangipe sa e phralenge? Čitin Dela 10:34, 35, a palo adava keren lafi bašo akala pučiba:

• O Jehova nane pristrasno hem adaleske prifatinela manušen taro celo sveto te oven leskere Svedokija. Sar valjani adava te vlijajnel upro tlo stavi sprema o phralja hem o phenja kola so isi len različno poteklo ili kultura?

• Kola predrasude isi e manušen ko than kote so živinea? Soske valjani te otfrline adala predrasude?

Čitin 2. Korinkjanite 6:11-13, a palo adava keren lafi bašo akava pučibe:

• So mislinea, sar šaj te ove popaše e phralencar hem e phenjencar kola so isi len različno poteklo ili kultura?

5. Prostin taro vilo hem ker te ovel mir

O Jehova spremno hem taro vilo prostinela amenge iako amen leske nikogaš na valjani te prostina. Čitin Psalm 86:5, a palo adava keren lafi bašo akala pučiba:

• So sikljovaja taro akava stiho bašo Jehova?

• Dali sian blagodarno e Jehovaske so prostinela tuke hem soske?

• Kola situacie šaj te keren amenge pharo te ova ko mir e javerencar?

Sar šaj te dža palo e Jehovaskoro primer hem te ačhova ko jekhipe amare phralencar hem phenjencar? Čitin Izreki 19:11, a palo adava keren lafi bašo akava pučibe:

• So šaj te kere ako nekoj džala tuke ko živce ili dukhavela tut?

Ponekogaš amen ka dukhava e javeren. So valjani tegani te kera? Dikh o VIDEOKLIPI, a palo adava keren lafi bašo akava pučibe:

VIDEOKLIPI: O mir anela bereketija (6:01)

• So kergja i phen te šaj te kerel mir?

6. Koncentririn tut ko e phralengere hem e phenjengere šukar strane

Keda ovaja popaše amare phralencar hem phenjencar amen dikhaja lengere šukar strane hem lengere slabostija. So ka pomožinel amen te koncentririna amen ko lengere šukar strane? Dikh o VIDEOKLIPI, a palo adava keren lafi bašo akava pučibe:

VIDEOKLIPI: Dali dikhea o šukar strane? (5:10)

• So šaj te pomožinel tuke te dikhe o šukar osobine tle phralengere hem phenjengere?

O Jehova koncentririnela pe ko amare šukar osobine. Čitin 2. Letopisi 16:9a, a palo adava keren lafi bašo akava pučibe:

• Sar osetinea tut keda džanea kaj o Jehova koncentririnela pe ko tle šukar osobine?

SO SIKLILEM

Tu šaj te ikere o jekhipe ko sobranie agjaar so ka ove spremno te prostine hem agjaar so ka sikave mangipe sa tle phralenge hem phenjenge.

Sar ka odgovorine?

• So ka pomožinel tuke te na ovel tut predrasude sprema o javera?

• So ka kere ako pojavinela pe nesavo problemi jekhe phralea ili phenjaja?

• Soske valjani isto sar o Jehova amen da te prostina e javerenge?

ISTRAŽIN

Dikh sar jekh sporedba so vakergja la o Isus šaj te pomožinel amenge te na sudina e javeren.

Izvadi ja gredata od svoeto oko (6:56)

Dali valjani te izvinina amen iako na kergjem ništo pogrešno?

„Izvinuvanje — kluč za da se postigne mir“ (Stražarska kula taro 1 noemvri 2002)

Dikh sar duj manuša kola so barile ko than kote so sine rasizam ule amala.

Ne sudete spored nadvorešnosta (5:06)

Dikh sar šaj te rešine o problemija nekasaja, te šaj te ikere o mir ko sobranie.

„Rešavaj gi nesoglasuvanjata so ljubov“ (Stražarska kula taro maj 2016)