Vaker točna hem uverliva informacie

Luka 1:3

SO TE KERE: Koristin proverime dokazija te šaj te pomožine e javerenge te aven dži ko ispravno zaklučok.

SAR TE KERE ADAVA:

• Arakh hem koristin proverime informacie. Adava so vakerea valjani te ovel taro e Devleskoro Lafi hem sekogaš keda šaj čitin direktno lestar. Ako mangea te vakere nesavo naučno fakti, haberi, iskustvo ili nešto javer so ka potvrdinel adava so vakerea, angleder uverin tut dali adaja informacija tani proverimi hem dali panda važinela.

• Koristin ispravno o informacie. Keda mangea te objasnine jekh stiho, valjani prvo te haljove so manglja o Jehova te sikavel amen preku adava stiho. Isto agjaar, adava so objasninea valjani te ovel ko sklad adalea so vakerela i Biblija baši adaja tema hem so vakerena o publikacie taro „verno hem razborito robo“ (Mat. 24:45). Ako koristinea informacie taro svetovna reference, vaker o lafija sar soj hem ma vaker nešto pojaver taro adava so manglja o pisateli te vakerel.

• Pomožin okolenge so šunena tut te razmislinen bašo dokazija. Otkeda ka čitine nesavo stiho ili ka citirine nesavi javer informacija, puč taktična pučiba ili vaker primer te šaj o javera korkori te aven dži ko ispravno zaklučok.