Koristin pučiba

Mat. 16:13-16

SO TE KERE: Puč taktična pučiba te šaj te pottiknine hem te zadržine o interes e manušengoro, te pomožine lenge korkori te aven dži ko ispravno zaklučok hem te istaknine o glavna misle.

SAR TE KERE ADAVA:

• Pottiknin hem zadržin o interes. Puč pučiba so ka pottikninen len poviše te razmislinen hem te mangen poviše te džanen.

• Pomožin lenge te haljoven i tema. Koristin nekobor pučiba so ka pomožinen adalenge so šunena tut te haljoven i logika hem te aven dži ko ispravno zaklučok.

• Istaknin o glavna misle. Puč interesno pučibe angleder te vakere nesavi glavno misla. Otkeda ka kere lafi baši nesavi važno misla ili angleder te završine tle točkaja, koristin pučiba povtoribaske.