11 LEKCIJA

Ov vooduševimo

Rim. 12:11

SO TE KERE: Ohrabrin hem pottiknin e manušen so šunena tut agjaar so ka kere lafi taro vilo.

Spremin tlo vilo. Džikote spreminea tlo govor, hor razmislin kobor tano važno adava so mangea te vakere le. Valjani šukar te pendžare o materijali te šaj te vakere le taro vilo.
Mislin ko manuša so šunena tut. Razmislin sar adava so ka čitine ili ka vakere šaj te koristinel e javerenge. Razmislin ko savo način šaj te vakere adala informacie te šaj o manuša so šunena tut te haljoven kobor tane važna.
Vaker o informacie ko živo način. Ker lafi taro vilo. Tle čuvstvija valjani jasno te dikhen pe taro tlo iskreno izraz ko muj hem prirodna gestija.

Pazin ma te bunine okolen so šunena tut adalea so celo vreme ka koristine ista gestija. Tle gestija valjani te odgovorinen adalea so vakerea. Trudin tut te ove vooduševimo posebno keda mangea te istaknine nesavi važno misla, ili keda mangea te pottiknine e javeren te keren nešto. Ma ov celo vreme but vooduševimo soske agjaar ka umorinkere adalen so šunena tut.