LEKCIJA 34
Sar šaj te sikava kaj mangaja e Jehova?
Dali tlo mangipe sprema o Devel akana tano pobaro nego keda počmingjan te proučine i Biblija? Dali mangea ponadari da te kere pozoralo tlo amalipe lea? Ako oja, tegani ma bistre kaj kobor poviše o Jehova dikhela kaj tlo mangipe sprema leste bajrola, doborom poviše ka mangel tut hem ka grižinel pe tuke. Sar šaj te sikave leske kaj mangea le?
1. Sar sikavaja e Jehovaske kaj mangaja le?
Amen sikavaja amaro mangipe e Jehovaske agjaar so siem leske poslušna. (Čitin 1. Jovanovo 5:3.) Ov nikas na čhivela silaja te ovel leske poslušno. Namesto adava, ov dela prilika sekaske amendar te birina dali ka ova leske poslušna ili na. Soske? O Jehova mangela te ova leske poslušna taro vilo (Rimjanite 6:17). Javere lafencar, ov mangela te ove leske poslušno adaleske so mangea le, a na adaleske so mora. O trito hem o štarto delo taro akava lil ka pomožinen tuke te sikave tlo mangipe e Jehovaske agjaar so ka kere adava so ov mangela, a nane te kere adava so ov na mangela.
2. Soske šaj te ovel amenge pharo te sikava amaro mangipe e Jehovaske?
„But nevolje isi e pravedniko“ (Psalm 34:19). Sarine amen borinaja amen amare maanencar hem slabostencar. Isto agjaar, šaj isi amen finansiska problemija, doživinaja nepravde ili soočinaja amen javere problemencar. Keda doživinaja asavke bukja šaj nane amenge lokho te kera adava so rodela amendar o Jehova hem šaj mislinaja kaj ka ovel polokho te kera agjaar sar so amen mangaja. Ama, keda siem leske poslušna čak keda nane amenge lokho, amen sikavaja kaj mangaja le poviše taro bilo so javer hem kaj siem leske verna. Tegani, ov da ka ovel amenge verno hem nikogaš nane te mukhel amen. (Čitin Psalm 4:3.)
DOZNAJN POVIŠE
Doznajn soske e Jehovaske tano važno te ove leske poslušno hem sikljov so šaj te pomožinel tuke te ačhove leske verno.
3. Tu sian vklučimo ko jekh sporno pučibe
Taro biblisko lil Jov doznajnaja kaj o Satana vakergja jekh obvinenie protiv e Devleskoro sluga o Jov hem protiv sa o javera so mangena te služinen e Jehovaske. Čitin Jov 1:1, 6 — 2:10, a palo adava keren lafi bašo akala pučiba:
Sprema adava so vakergja o Satana, soske o Jov sine poslušno e Jehovaske? (Dikh ko Jov 1:9-11.)
So vakergja o Satana bašo sa o manuša, pa čak tuke? (Dikh ko Jov 2:4.)
Čitin Jov 27:5b, a palo adava keren lafi bašo akava pučibe:
Sar o Jov dokažingja kaj čače mangela sine e Jehova?
O Jov sikavgja plo mangipe e Jehovaske agjaar so ačhilo leske verno
Amen da sikavaja amaro mangipe e Jehovaske agjaar so ačhovaja leske verna
4. Ker e Jehovaskoro vilo bahtalo
Čitin Izreki 27:11, a palo adava keren lafi bašo akala pučiba:
Sar osetinela pe o Jehova keda amen postapinaja mudro hem siem leske poslušna? Soske osetinela pe agjaar?
5. Tu šaj te ove verno e Jehovaske
Amaro mangipe sprema o Jehova pottikninela amen te vakera e javerenge baši leste. Amari vernost sprema leste pottikninela amen te kera adava, čak keda nane lokho. Dikh o VIDEOKLIPI, a palo adava keren lafi bašo akala pučiba:
Dali nekogaš sine tuke pharo te vakere e javerenge bašo Jehova?
Sar so dikhlem ko videoklipi, so pomožingja e Grejsoneske te pobedinel pli dar?
Ako mangaja adava so o Jehova mangela hem ako mrzinaja adava so ov mrzinela, tegani ka ovel amenge polokho te ova leske verna. Čitin Psalm 97:10, a palo adava keren lafi bašo akala pučiba:
Taro adava so sikliljan dži akana, so mislinea kola bukja mangela o Jehova, a kola bukja mrzinela?
So ka pomožinel tuke te sikljove te mange adava soj šukar hem te mrzine adava soj lošno?
6. Amare šukaripaske tano te ova poslušna e Jehovaske
Sekogaš tano najšukar te ova poslušna e Jehovaske. Čitin Isaija 48:17, 18, a palo adava keren lafi bašo akala pučiba:
So mislinea, soske šaj te ovel amen doverba ko Jehova kaj ov sekogaš džanela soj tano amenge najšukar?
Sar adava so sikliljan baši Biblija hem bašo čačutno Devel, o Jehova, pomožingja tuke dži akana?
NESAVE ŠAJ VAKERENA: „E Devleske nane važno so kerava me“.
Kova stiho bi koristinea te sikave kaj amare postapkencar šaj te kera e Jehova bahtalo ili tažno?
SO SIKLILEM
Amen sikavaja amaro mangipe e Jehovaske agjaar so siem leske poslušna hem verna, čak keda adava tano pharo.
Sar ka odgovorine?
So sikliljan taro e Joveskoro primer?
Sar šaj te sikave tlo mangipe e Jehovaske?
So ka pomožinel tuke te ačhove verno e Jehovaske?
ISTRAŽIN
Sikljov poviše bašo e Satanaskere obvinenija protiv o manuša.
„Jov mu ostanuva veren na Bog“ (Biblijata — koja e nejzinata poraka? Del 6)
Dikh sar šaj čak o čhave te sikaven pumaro mangipe e Jehovaske.
Sar šaj o terne kola so isi len pritisok taro vrsnikija te ačhoven verna e Devleske?