Uvod ko 9. deo

Ko akava deo ka dikha sar disave terne manuša, prorokija hem kraljija mothovđe bari vera upro Jehova. Ki Sirija, jekh tikni izraelsko ćhaj hine la poverenje so jekh e Jehovaso proroko šaj te saćari e Namane. O prorok Jelisej hine le baro poverenje so o Jehova ka arakhi le kotar neprijateljsko vojska. O prvosveštenik Jodaj ćerđa sa te šaj te arakhi e tikne Joase kotar olesi lošno baba, i Gotolija. O kralj Jezekija hine le poverenje so o Jehova ka arakhi o Jerusalim hem na predajinđa pe iako o Asircija pretinđe lese. O kralj Josija uništinđa o idolija andi celo phuv, popravinđa o hram hem pomožinđa e narodose palem te služini e Jehovase.