Uvod ko 10. deo

O Jehova tano Kralj upro sa. Ov šaj te ćerel sa hem sa o buća tane ko olese vasta. Na primer, ov spasinđa e Jeremija kotar i bari jama te na merel. Isto ađahar, e Sedrahe, e Misahe hem e Avdenago spasinđa andi užareno peć, a e Danilo ando lavija. O Jehova arakhlja e Jestira te šaj te spasini olake narodo. Kotar akava deo ka sikljova so o Jehova na ka mukhel o lošna buća te trajinen zauvek. O proročanstvija ando baro kip hem ando baro kaš mothovena so pana hari e Devleso Kraljevstvo ka anel o krajo e lošno bućenđe hem ka počmini te vladini upri phuv.