Uvod ko 14. deo

O prva hrišćanija vaćerđe i šukar vest ando Kraljevstvo đi o najdur thana ki phuv. O Isus usmerinđa len kaj te propovedinen hem prekalo jekh čudo dinđa len sposobnost te sikaven e manušen ki olengi ćhib. O Jehova dinđa len hrabrost hem snaga te šaj te izdržinen bare progonstvija.

O Isus dinđa e Jovanese jekh vizija andi Jehovasi slava. Ki jekh aver vizija, o Jovan dikhlja o Kraljevstvo ko nebo kova pobedini e Benge hem olese manušen zauvek. Ov dikhlja e Isuse sar Kralj hem o 144 000 kola vladinena oleja. Isto ađahar, dikhlja sar celo phuv ovela raj kuri sa o manuša služinena e Jehovase ko mir hem ko jekhipe.