„Poštujin te dade hem te daja“

Ked o Isus hine ki Phuv, ov vačerdža kobor tani važno akija zapovest: „Poštujin te dade hem te daja“ (2Moj 20:12; Mt 15:4). O Isus šaj hine te vačeri odova sose ov sar terno šuja pe dade hem pe daja (Lu 2:51). Ked barilo, ov dija sa pestar te ačhavi džikase te akhari gajlja kotar oljesi daj ked ov ka merel (Jv 19:26, 27).

Isto adžahar, ko amaro vakti o terne hrišćanja kola šunena pe daja hem pe dade hem vačerena šukaripa oljenca mothovena poštovanje. Amen valjani te ičeramen ki odija zapovest, te poštujina oljen, celo amaro dživdipe. Čak ked phurjona, amen valjani hem ponodri te mothova so poštujina oljen, adžahar so šuna oljenge savetija (Godž 23:22). Isto adžahar, amen mothova so poštujina amare dade hem amare daja kola phurilje, adžahar so akhara gajlja kotar odova sar osetinenape hem so pomožinaljen ko sa so valjani oljendže (1Ti 5:8). Da lji hijam terne ja phure, amen valjani te mothova so poštujina amare dade hem amare daja, adžahar so ka ovelmen šukar odnos oljenca.

DIKH I POUČNO ANIMACIJA KAKO DA RAZGOVARAM S RODITELJIMA? HEM PALO ODOVA ODGOVORIN KO AKALA PUČIBA:

• Sose tano podijekh puti pharo te vačere te dadeja hem te daja?

• Sar šaj te mothove so poštujineja te dade hem te daja?

  

• Sose tano tuče šukar te vačere te dadeja hem te daja? (Godž 15:22)