„Ciden o tuđa Devela“

O Jakov džandža so o Jehova zaslužini samo olese te služini pe, iako pana na hine dindo o zakon kova zabranini o idolopoklonstvo (Iz 20:3-5). Odolese, palo odova so o Jehova phendža lese te irini pe ko Vetilj, o Jakov naredindža sarinendže kola hine oleja te ciden pe idolen. Palo odova o Jakov čhivdža tali phuv olenge idolen, čak hem o čenja, kola šaj akhardže sar amajlije (Pst 35:1-4). Šaj te ova sigurna so o Jehova hine zadovoljno odoleja so o Jakov čerdža.

Sar šaj avdije te služina samo e Jehovase? Adžahar so ka izbegnina sa soj tano povezimo e idolencar ja sa so uključini o spiritizam. Odova značini te cida sa o buča kola avena ando okultizam hem pažljivo te birina amari zabava. Na primer, puč kokri tut: „Da li uživinava te čitinav o knjige ja te dikhav o filmija kola vačerena ando vampirija, zombija ja ando buča kola tane natprirodna? Da li ki mi zabava o armanja ja o madžije mothovena pe sar diso so nane opasno?“ Amen valjani te ova so podur ando sa so o Jehova mrzini (Ps 97:10).

DIKH O FILM ODUPRIMO SE ĐAVOLOVIM SPLETKAMA HEM PALO ODOVA ODGOVORIN KO AKALA PUČIBA:

• 

  Kova problemi hine la i Palesa koja proučindža i Biblija?

• 

  Sose tano mudro te roda pomoć ando starešine ako pojavini pe problemi kova uključini o spiritizam?

• 

  Ako mangaja te zaštitini amen o Jehova, kola buča valjani te cida amendar?

• So odlučindža te čerel i Palesa?

• Kola tane disave načinja te izbegnine o uticaj ando demonja ko than kuri živineja?