Da li dikheja o odgovor ko te molitve?

Ki Biblija isi but primerija kola mothovena sar o Jehova odgovorinđa ki nekasi molitva. Ked e Jehovase sluge dikhlje so o Jehova šunđa olenge problemija hem so pomožinđa len, olengi vera hine pana pozorali. Odolese, šukar tano te ova konkretna ko amare molitve hem te penđara e Jehovaso odgovor. Ma bistri so oleso odgovor šaj te ovel averćhane ando odova so amen očekujinđam (2Ko 12:7-9; Ef 3:20). Sar šaj o Jehova te odgovorini ko amare molitve?

• Dela amen snaga te ikljova ko krajo amare problemencar (Fp 4:13).

• Dela amen mudrost te ana šukar odluke (Ja 1:5).

• Dela amen želja hem snaga te ćera odova so valjani (Fp 2:13).

• Ked but brininaja amen dela amen mir (Fp 4:6, 7).

• Dela amen phralen kola pomožinena amen hem ohrabrinena amen (1Jv 3:17, 18).

• Pomožini okolenđe kase molinaja amen (Del 12:5, 11).

DIKH O VIDEO O JEHOVA ŠUNELA O MOLITVE HEM PALO ODOVA ODGOVORIN KO AKALA PUĆIBA:

• Sar o iskustvo ando phral Šimizu ohrabrini amen ako sebepi amaro sastipe našti te ćera odova so angleder ćerđam e Jehovase?

• Sar šaj amen avdije te ova sar o phral Šimizu?