HRIŠĆANSKO ĐIVDIPE
Dikh upro tute sar o Jehova
„O Jehova radujini pe pekle narodose“ (Ps 149:4). Iako hijam nesavršena, ov dikhela amare šukar osobine hem đanela so šaj amen te ćera. Podijekh puti, šaj te ovel amenđe pharo te dikha amare šukar osobine. Sebepi odova sar avera ponašinđe pe amencar, šaj mislinaja so nisose na vredinaja. Ja šaj angleder ćerđam diso lošno hem akana mislinaja so o Jehova našti te mangel amen. So šaj te pomožini amen ako osetinaja amen ađahar?
Ma bistri so o Jehova dikhela odova so o manuša na dikhena (1Sa 16:7). Odova značini so ov dikhela odova so tu našti te dikhe koro tute. I Biblija pomožini amen te haljova sar o Jehova dikhela upro amende. Ked čitinaja e biblijake izveštaja kola mothovena kobor o Jehova mangela pe slugen, amen šaj te haljova sar ov dikhela upro amende.
DIKH O VIDEO UVERIN TO VILO KO JEHOVASO MANGIPE HEM PALO ODOVA ODGOVORIN KO AKALA PUĆIBA:
So o poređenje ando jekh trkači hem oleso dad sikavi amen odolestar sar o Jehova dikhela upro amende?
Ako neko ćerđa ozbiljno greh hem ćerđa sa so valjani te šaj paljem te ovel paše e Jehovaja, sar šaj te uverini po vilo ko Jehovaso mangipe? (1Jv 3:19, 20)
Sar e phralese pomožinđa odova so čitinđa hem so razmislinđa ando kralj David hem ando kralj Josafat?