Posebno akcija ko septembar – vaćer sarinenđe ando Devleso Kraljevstvo

Ko masek septembar, ka da sa amendar te vaćera e manušenđe so jedino e Devleso Kraljevstvo šaj te rešini sa amare problemija (Mt 24:14). Sar šaj tu te učestvujine ki odija akcija? Valjani te ovel tut cilj so pobuter manušenđe te čitine barem jekh stih kova vaćeri ando Devleso Kraljevstvo. Ako neko mangela te đanel pobuter, de le i Stražarsko kula asi javnost br. 2/2020. Palo odova, trudin tut sigate te posetine odola osoba hem pokušin te počmine e biblijako kurs ađahar so ka koristine i brošura Ov bahtalo zauvek! Sa okola so mangena te služinen sar pionirija odova masek, šaj te birinen da li ka ispuninen 15 ja 30 satija.

Pana hari e Devleso Kraljevstvo ka cidel sa o manušikane vlastija (Da 2:44; 1Ko 15:24, 25). Mangaja sare te koristina akija posebno prilika te mothova so podržinaja e Jehova hem oleso Kraljevstvo.