Amenđe valjani pošukar sveto!
O generalno sekretari ando Ujedinjena nacije, o Antonio Guteres, phenđa: „Živinaja ko sveto kova tano pherdo problemencar.“ Da li složineja tut akaleja?
Ko vestija isi pherdo lošna izveštaja:
Nabormipa hem pandemije
Prirodna katastrofe
Ćororipe hem bokhalipe
Zagađenost hem globalno zagrevanje
Zločinija, nasilje hem korupcija
Mariba
Dićhola so amenđe valjani pošukar sveto. Sveto kaj ka ovel
Savršeno sastipe
Sigurnost hem bezbednost sarinenđe
Pherdo hrana
Čisto than
Pravda sarinenđe
Mir ko celo sveto
Ko so mislini pe ked vaćeri pe ando pošukar sveto?
So ka ovel e svetoja ko kova živinaja akana?
So šaj te ćera te bi živinaja ko pošukar sveto?
Akava izdanje andi Stražarsko Kula ka del amen utešna odgovorija andi Biblija ko akala hem slična pućiba.