Ideje aso proučavanje
Sar šaj te pomožini amen o Vodič kotar publikacije ando Jehovase svedokija te šaj te arakha o objašnjenja ando biblijake stihija?
Odola objašnjenja šaj te pomožinen amen pošukar te penđara e Devleso Lafi. On vaćerena ando detaljija kotar disavo stih. Na primer, sose hine pisimo, upro kaste odnosini pe ja odothe tano objasnimo disavo lafi ja izraz.
Ki ONLAJN BIBLIOTEKA ja ki amari aplikacija JW Library šaj te khuve ko Vodič kotar publikacije direktno kotar biblijako stiho. Ki strana ka ikljon o publikacije kola objasninena odova stih.
Ked koristineja akala publikacije, dikh o datum. O najneve člankija tane ćhivde najupre, a potele tane o popurane. A ko disave ando odola člankija tano menimo disavo objašnjenje.
O Vodič kotar publikacije automatski tano dostupno hem ki ONLAJN BIBLIOTEKA.
Ako mangaja te dikha o objašnjenja ando disave stihija ki amari aplikacija JW Library, tegani valjani te huljava o Vodič kotar publikacije hem palo odova redovno te ažuririna le. Odova šaj te ćera ađahar so ka phrava disavo poglavlje ki Biblija hem odothe šaj te huljave le.