Ideje aso proučavanje

Sikljov napamet amare đilja

I Lorejn andi Amerika phenela: „Ked podijekh puti osetinava man so na vredinava, o Jehova ohrabrini man prekalo đilja kotar JW Broadcasting.“

O hrišćanija uvek điljaja hvalinđe e Jehova (Kol. 3:16). Ako napamet sikljoveja amare đilja, odova šaj te pomožini tuće, čak ako dijekh puti na ka ovel tut uzo tute pesmarica ili disavo elektronsko uređaj. Akana ka vaćera ando nekobor buća kola ka pomožinen tut te sikljove napamet o tekst ando đilja.

• Pažljivo čitin o lafija te šaj te haljove o značenje. Ako haljoveja so diso značini, ka ovel tuće polokho te pamtine odova. O tekst ando sa o đilja, kaj tane uključime hem o savremena đilja hem o đilja e ćhavorenđe, tano dostupno ko amaro sajt ko deo Muzika.

• Pisin o tekst ko disavo lil. Akava ka pomožini tut pana polokho te pamtine len (Pon. zak. 17:19).

• Vežbin ko glaso. Nekobor putija čitin ili đilab o đilja.

• Dikh kobor pamtinđan. Bizo te dikhe o tekst, probin te setine tut ko lafija hem palo odova dikh kobor uspinđan te zapamtine.