Uvod ko 12. deo

O Isus propovedinđa e manušenđe ando Devleso Kraljevstvo. Isto ađahar, ov sikavđa len te molinen pe te slavini pe e Devleso anav, te avel oleso Kraljevstvo hem te ovel olesi volja ki phuv. Ako isi tut ćhave, objasnin lenđe so akija molitva značini amenđe. Iako o Isus hine le iskušenja ando Satana, ov aćhilo verno e Jehovase. Ov birinđa pe apostolen hem on ka ovel len pi buti ko Devleso Kraljevstvo. O Isus hine revno ki pi služba. Odolese so manglja te pomožini e manušenđe, ov saćarđa e nabormen, parvarđa e bokhalen hem čak disaven uskrsninđa. Ađahar o Isus mothovđa so ka ćerel e Devleso Kraljevstvo e manušenđe.