Uvod ko 11. deo

Ando akava deo počmini o grčko deo ando Sveto pismo. O Isus hine bijando ki jekh ćorori porodica koja živinđa ki jekh tikni diz. Oleso dad hine tesar hem ov sikljilo olestar te ćerel odija buti. O Isus hine okova kova ka spasini sa e manušen. O Jehova birinđa le te ovel kralj ko Devleso Kraljevstvo. Ako isi tut ćhave, pomožin lenđe te haljon so o Jehova šukar birinđa ki koja porodica ka bijanđol o Isus hem ko kola okolnostija ka barjol. Vaćer sar o Jehova zaštitinđa e Isuse te na mudari le o Irod hem so ništa našti te ćhinavi e Jehova te ispunini pi namera. Dikh sar o Jehova dinđa zadatak e Jovanese te objavini so ka avel o Isus. Istaknin so o Isus ando tiknipe šunđa e Jehova.