DE TUTAR SA KI SLUŽBA | OV PORADOSNO KI SLUŽBA
Ov saosećajno
Saosećanje tani sposobnost te haljova sar avera razmislinena, sar osetinena pe, soj tano lenđe važno hem so valjani lenđe. Avera manuša osetinena ked hijam saosećajna premalo lende. Ako mangaja te ova saosećajna, valjani te ovel amen želja ko vilo te pomožina averenđe. Ked hijam saosećajna ki služba, amen mothovaja so o Jehova mangela e manušen hem so brinini pe olendar, a odova pašaćeri len oleja (Fp 2:4).
Amen na mothovaja so hijam saosećajna samo ked sikavaja e manušen, nego hem odoleja sar šunaja len hem sar vaćeraja olencar. Isto ađahar, amaro saosećanje dićhola ko amare gestija hem ko amaro muj. Ked mothovaja so iskreno brininaja amen nekastar, amen hijam saosećajna. Amen obratinaja pažnja ko odova so zanimini e manuše, ko so verujini hem save tane olese okolnostija. Iako mangaja te pomožina olenđe ađahar so mothovaja so phenela e Devleso Lafi, amen na ćhivaja len zorjeja te menjinen pe. Ked o manuša prihvatinena amari pomoć, amen hijam pana pobahtale ki amari služba.
DIKH O VIDEO OV RADOSNO ĐI ĆEREJA UČENIKONEN – ĆER POŠUKAR TI SLUŽBA – OV SAOSEĆAJNO HEM PALO ODOVA ODGOVORIN KO AKALA PUĆIBA:
Sar i Nita mothovđa saosećanje ked i Džejd harinđa?
Sar i Nita mothovđa saosećanje premali Džejd ked phenđa soj tani umorno hem so našti te proučinen?
Ked hijam saosećajna, odova pašaćeri e manušen e Jehovaja
Sar i Nita mothovđa saosećanje premali Džejd ked phenđa so nane organizovano?