O političarija phenena so ka ovel Armagedon – so i Biblija phenela odolestar?

Ko ponedeljak sabale, 10. oktobar 2022, o ruska projektilija pogodinđe but dizja ki Ukrajina te irinen olenđe sebepi so duj dive angleder jekh but bari eksplozija oštetinđa o most kova povezini o Krim hem i Rusija. Sa odova ulo sigate palo odova so o političarija phenđe so šaj te ovel o Armagedon.

• „Pana ando vreme ando američko predsedniko o Džon Kenedi hem andi kubansko raketno kriza, o Armagedon na hine amenđe odobor paše sar akana. . . Mislinava so našti te koristini pe o nuklearno oružje, a ko krajo te na ovel Armagedon“ (Američko predsedniko, o Džozef Bajden, 6. oktobar 2022).

• Ked pućlje e ukrajinsko predsedniko e Vladimire Zelenski so ov mislini ando odova so koristini pe o nuklearno oružje, ov phenđa: „Slažinava man so pana hari šaj te ovel o Armagedon. Odova tano rizik asi celo planeta“ (BBC News, 8. oktobar 2022).

Da li odova so o manuša šaj ka koristinen o nuklearno oružje ka vodini đi o Armagedon? So i Biblija phenela odolestar?

Da li odova so o manuša šaj ka koristinen o nuklearno oružje ka vodini đi o Armagedon?

Na. O lafi „Armagedon“ samo jekh puti pojavini pe ki Biblija ko Otkrivenje 16:16. Odova na odnosini pe ko maribe maškaro narodija, već ko maribe maškaro o Devel hem o „kraljija ando celo sveto“ (Otkrivenje 16:14). Ko Armagedon o Devel ka uništini sa o manušikane vlastija (Danilo 2:44).

Ako mangeja te đane pobuter so o Armagedon značini amenđe, čitin o članko Soj tano o Armagedon?

Da li i phuv hem o manuša upro late ka oven uništime ko nuklearno maribe?

Na. Iako o manuša šaj ka koristinen o nuklearno oružje, o Devel na ka mukhel i phuv te ovel uništimi. Ki Biblija pisini:

• „I phuv aćhola zauvek“ (Propovednik 1:4).

• „O pravednikija ka nasledinen i phuv, hem zauvek ka živinen upro late“ (Psalam 37:29).

E biblijake proročanstvija hem o događaja ko sveto mothovena so pana hari ka oven but bare promene ki phuv (Matej 24:3-7; 2. Timoteju 3:1-5). Dikh so i Biblija mothovi ando odova savi budućnost ađićeri amen ađahar so besplatno ka proučine i Biblija.