Berš dive sar počminđa o maribe ki Ukrajina – Savi nada dela amen i Biblija?

Ko petak, 24. februar 2023. ka ovel berš dive sar počminđa o maribe ki Ukrajina. Premalo disave izveštaja oko 300 000 vojnikija andi Ukrajina hem Rusija tane ranime ja mulje hem oko 30 000 manuša mulje ko odova maribe. Ama, isi mogućnost so odova broj tano pana pobaro.

Nažalost, na dićhola soj tano paše o kraj ando odova maribe.

• „Aso nekobor dive ka ovel berš dive sar o ruska vojnikija khuvđe ki Ukrajina. Na dićhola so akava maribe pana hari ka završini pe. Hić na đanđola pe koja strana ka pobedini ko akava maribe hem o solduj strane nane spremna te arakhen disavo mirno rešenje“ (NPR (National Public Radio), 19. februar 2023).

Ked ovela disavo maribe, but manuša tane tužna hem uznemirime sose o nedužna manuša našalena po životi. Savi nada dela amen i Biblija? Da li iked ka avel o krajo ando mariba ko sveto?

O maribe kova ka ćhinavi sa avera mariba

I Biblija vaćeri ando jekh maribe kova ka spasini e manušen, a na kova ka uništini len. Odova maribe tano penđardo sar Armagedon, hem sar „maribe [. . .] ando Svemoćno Devel“ (Otkrivenje 16:14, 16). Ađahar o Devel ka cidel sa o manušikane vlastija sebepi kola but mariba hem ulje. Ako mangeja te đane sar o Armagedon ka anel mir ki phuv, čitin o člankija:

• „Soj tano o Armagedon?“

• „O Armagedon tano šukar haberi!“