Bilionija dolarija trošinena pe ko mariba – ama koja tani i pravo cena?

O mariba but koštinena.

• „Okova berš, o vlade ko sveto trošinđe prekalo 2,2 bilionija dolarija ko razna mariba“ (The Washington Post, 13. februar 2024).

Ko odova kobor koštinena o mariba, nane uključime samo o pare. Te la jekh primer: O maribe ki Ukrajina.

• O vojnikija. Isi već duj berš sar o maribe počminđa hem đi akana oko 500 000 vojnikija tane mudarde ja ranime.

• Obična manuša. Premalo izveštaj ando Ujedinjena nacije pobuter ando 28 000 manuša tane mudarde ja ranime. O pomoćniko ando generalno sekretari ando Ujedinjena nacije phenđa: „O broja našti te mothoven kobor akava maribe lošno utičini upro manuša.“a

E manušengi patnja tani posledica ando mariba ko sveto.

• 114 milionija. Ando septembar 2023. berš, odobor manuša valjanđe te mukhen pe ćhera sebepi o mariba hem o nasilje.

• 783 milionija. Odobor manuša ko sveto tane bokhale. „O bokhalipe ovela sebepi o mariba. Oko 70 posto ando manuša kola nane len so te han živinena ko thana kuri tano o maribe“ (Svetsko program asi hrana).

Da li iked ka živina ko sveto bizo mariba? Da li iked ka ovel mir ki phuv? Da li iked ka avel o vreme ked niko na ka ovel ćororo hem ked sare ka ovel len so te han? So phenela i Biblija odolestar?

O vreme ando maribe

I Biblija prorekninđa so ko amaro vreme ka oven but mariba ko celo sveto. Aće, sar tano odova opisimo ki Biblija:

• „Hem dikhljum avere graste kova hine le loli boja. Oleso jahači dobinđa vlast te lel o mir kotar phuv te šaj o manuša te mudaren jekh jekhe. Dobinđa hem baro mač“ (Otkrivenje 6:4).

Uzo odova jahači, isi pana duj kola predstavinena o bokhalipe hem o meribe (Otkrivenje 6:5-8). Ako mangeja te đane pobuter ando akava e biblijako proročanstvo hem sose šaj te ove sigurno so akava proročanstvo ispunini pe ko amaro vreme, čitin o članko „Šta predstavljaju jahači Apokalipse?“

Pana hari ka ovel mir ki phuv

Pana hari, o mariba ki phuv više na ka oven. I Biblija mothovi sose šaj te ova sigurna ko odova:

• O Devel ka „ćhinavi o mariba ki celo phuv“ (Psalam 46:9).

• O Devel ka cidel sa o posledice ando mariba. Ki Biblija pisini: „Ov ka kosel svako asvi kotar olenge jaćha hem na ka ovel više meribe, ni muke, ni rojbe, ni dukha. Sa so hine angleder nakhlja“ (Otkrivenje 21:4).

• O Devel ka anel mir ki celo phuv. Ki Biblija pisini: „Moklo narodo ka živini ko thana kuri ka ovel mir, ko sigurna thana, ko thana kuri niko na ka zadini len“ (Isaija 32:18).

Premali Biblija, o mariba hem avera događaja ko sveto mothovena so pana hari ka ovel mir ki celo phuv.

Sar o Devel ka anel mir ki phuv? Ov odova ka ćerel prekalo po Kraljevstvo (Matej 6:10). Ako mangeja te đane pobuter ando odova Kraljevstvo hem so ka ćerel tuće, dikh o video Soj tano e Devleso Kraljevstvo?