Šukar objasnin sose koristineja o stih

Jovan 10:33-36

SO TE ĆERE: Ked čitineja jekh stih ma nakh odmah ki aver misao. Ov sigurno so okola so šunena tut ka haljon savi veza isi maškaro stih kova čitinđan hem i misao koja mangeja te naglasine.

SAR TE ĆERE ODOVA:

• Naglasin o važna lafija. Palo odova so ka čitine o stih, naglasin o lafija kola odnosinena pe ki glavno misao. Odova šaj te ćere ađahar so ka ponovine odola lafija ja ađahar so ka puće pućibe kova ka pomožini okolenđe so šunena tut te haljon kola tane o važna lafija.

• Naglasin i glavno misao. Ako angleder te čitine o stih vaćereja sose ka čitine le, na primer ako mangeja te dokažine diso, tegani objasnin sar o važna lafija ando stih tane povezime odoleja so mangeja te dokažine.

• Objasnin o stih ko jednostavno način. Ma vaćer but ando detaljija kola nane odobor važna hem nane povezime te temaja. Razmislin so o manuša već đanena kotar odija tema. Odova ka pomožini tut te odlučine kobor informacije valjani te vaćere te šaj te haljon i misao ando stih.