HRIŠĆANSKO ĐIVDIPE
So sikljovaja ando Samuilo?
O Samuilo aćhilo verno e Jehovase celo poklo životi. Sar tikno, ov na manglja te ovel sar e Ilijese ćhave, o Ofnije hem o Fines (1Sa 2:22-26). Sar o Samuilo barilo, o Jehova uvek hine oleja (1Sa 3:19). Ked phurilo, ov hem ponodri verno služinđa e Jehovase, čak iako olese ćhave na ćerđe odova (1Sa 8:1-5).
So sikljovaja ando Samuilo? Ako hijan terno, ov sigurno so o Jehova haljola o pharipa kola isi tut hem sar tano tuće. Ov šaj te pomožini tuće te ove hrabro (Is 41:10, 13). Ako to ćhavo ja ti ćhaj više na služini e Jehovase, e Samuileso primer šaj but te pomožini tuće. Ov našti hine zorjeja te ćhivel pe ćhaven te služinen e Jehovase. Ov mukhlja o problemi ko Jehovase vasta, dinđa sa pestar te aćhol verno e Jehovase hem ćerđa odova so o Jehova rodinđa olestar. Šaj to šukar primer ka pomožini te ćhavese ja te ćhajaće te irini pe e Jehovase.
DIKH O VIDEO SIKLJOV OLENDAR – SAMUILO HEM PALO ODOVA ODGOVORIN KO AKALA PUĆIBA:
Sar o Samuilo mothovđa hrabrost pana sar tikno?
Sar o Deni mothovđa soj tano hrabro?
Sose šaj te phena so o Samuilo hine šukar primer čak hem ked phurilo?
O Jehova pomožini okolenđe kola ićerena pe ko odova soj tano ispravno
Sose tane o roditeljija ando Deni šukar primer?